جلسة طلاق حكايات اسما السيد 1
👇 يتبع في أول تعليق… 👇”الحكاية لم تنتهِ بعد…”
📖 رابط القصة الكاملة في أول تعليق.
✍️ الكاتبة أسما السيد – 𝐀𝐬𝐦𝐚 𝐄𝐥𝐒𝐚𝐲𝐞𝐝
بعد يومين من مكالمة الطلاق، عمر دخل مقر الشركة وهو رافع راسه كأنه بقى صاحب المكان.
كان لابس بدلة جديدة، وساعته اللي اشتراها بعد آخر مكافأة، وكل شوية يبص حواليه علشان يشوف مين واخد باله من دخوله.
داليا كانت مستنياه قدام مكتبه.
ابتسمت وقالت:
— مبروك يا باشا… أخيرًا بقيت في المكان اللي تستحقه.
عمر قفل باب المكتب وراهم.
— ده مجرد بداية.
داليا قربت منه وقالت بصوت واطي:
— طب والحسابات الجديدة؟
رفع حاجبه بثقة.
— كلها اتفتحتلي امبارح.
— يعني تقدر تعمل التحويل؟
عمر ضحك.
— أقدر أعمل أكتر من كده.
في نفس الوقت…
أنا كنت قاعدة في مكتب كريم في الدور الأخير من مبنى المجموعة.
قدامنا شاشة كبيرة متوصلة بنظام مراجعة داخلي.
كريم بص للساعات وقال:
— لسه عنده فرصة يرجع.
قلت:
— مش هيرجع.
— متأكدة؟
بصيت للشاشة.
— عمر عمره ما شاف باب مفتوح قدامه وماحاولش يدخل منه.
