جلسة طلاق حكايات اسما السيد 1
وفعلًا…
بعد أقل من نص ساعة، ظهر أول طلب تحويل.
المبلغ:
12 مليون و400 ألف جنيه.
الحساب المستفيد مسجل باسم شركة صغيرة اتأسست من 6 شهور.
كريم قرب من الشاشة.
— دي شركة مين؟
فتحت الملف اللي قدامي.
— رسميًا؟ واحد اسمه حسام فوزي.
كريم بصلي.
— وفعليًا؟
قلت:
— أخو داليا.
سكت لحظة.
وبعدين قال:
— يبقى هي داخلة معاه.
هزيت راسي.
لكن اللي لفت انتباهي ماكانش اسم الحساب.
كان رقم مرجعي مكتوب في خانة الملاحظات.
رقم شفته قبل كده.
من سنين.
قربت من الشاشة.
— كريم…
— إيه؟
قلت وأنا قلبي بدأ يدق أسرع:
— الرقم ده كان موجود في ملفات بابا.
كريم اتجمد.
— متأكدة؟
فتحت نسخة قديمة من أرشيف والدي.
وقلبت بين الصفحات بسرعة.
لحد ما وقفت عند فاتورة قديمة.
نفس الرقم.
بالظبط.
كريم قعد ببطء.
— يعني عمر مش بدأ السرقة من سنتين.
بصيت له.
— لأ.
قفلت الملف.
— هو دخل شبكة قديمة كانت موجودة قبل ما بابا يموت.
كريم قال:
— يبقى لازم نوقف التحويل حالًا.
قلت:
— لأ.
لف ناحيتي بعصبية:
