رد اعتبار حكايات اسما السيد 1
كان معاه 100 جنيه بس في محفظته… لكن الساندوتش والقهوة اللي طلبهم من الكافيه كانوا اغلي بحوالي 390 جنيه.
أول ما الموظف قاله الحساب، وشه اتغير…فتح محفظته وبص للفلوس اللي فيها، وبعدين زق الساندوتش والقهوة بعيد عنه بإحراج وقال:خلاص يا ابني… مش عايز حاجة. أنا استحملت الجوع قبل كده.
لكن بنت عندها 19 سنة كانت واقفة وراه سمعت كلامه.
من غير ما تحرجه أو تسأله، طلعت كارتها ودفعت الحساب بهدوء.
الراجل بص لها بدهشة وقال:يا بنتي، أنا معرفكيش… ليه تعملي كده؟
ابتسمت وقالت:اعتبرها عزومة من بنتك.
لكنها مكنتش تعرف إن الساندوتش ده كان أقل مشكلة عنده…
ولا كانت تعرف ليه راجل في سنه مشي أكتر من 9 كيلو وسط مطر وعاصفة شديدة علشان يوصل للمكان ده.
حفيدة الراجل، ليلى، عندها 8 سنين، كانت في مستشفى بالقاهرة ومستنية تدخل عملية قلب طارئة.
وقبل العملية كان عندها طلب واحد بس: أنا عايزة أشوف جدو.
وفجأة…
موبايل الراجل رن…كانت بنته.
أول ما رد، سمع صوتها وهي بتعيط: يا بابا… الدكاترة قرروا يدخلوا ليلى العمليات دلوقتي.
