رد اعتبار حكايات اسما السيد 1

وبعدين:
— جدو؟
وش عم محمود اتكسر.
— قلب جدو.
— إنت جاي؟
— جاي يا ليلى.
— قبل ما أدخل؟
بص عم محمود للطريق قدامه.
زحمة خانقة.
عربيات واقفة.
والمطر بيزيد.
قال:
— جدو هيجيلك حتى لو طار.
ليلى سكتت لحظة.
وبعدين قالت:
— أنا مش خايفة من العملية.
ابتسم وهو بيعيط.
— شاطرة.
لكن الجملة اللي قالتها بعدها خلت نور نفسها تبصله:
— أنا بس عايزة أديك الحاجة اللي مخبياها قبل ما أدخل.
عم محمود عقد حواجبه.
— حاجة إيه؟
لكن صوت هبة رجع:
— ليلى، لازم نقفل يا حبيبتي.
المكالمة انتهت.
عم محمود فضل باصص للموبايل.
نور قالت:
— متقلقش. هنوصل.
لكنه همس لنفسه:
— مخبية إيه؟
بعد حوالي عشر دقايق، الطريق وقف تمامًا.
حادثة قدامهم.
نور بصت على الساعة.
— لأ… مش ناقصة.
عم محمود فتح الباب.
— حضرتك بتعمل إيه؟!
— هنزل.
— تنزل تروح فين؟
— أمشي.
— مستحيل! المسافة لسه كبيرة.
قال وهو بيحاول ينزل:
— البنت مستنياني.
نور شدته من كم الجاكيت.
— استنى.
فتحت الخريطة على الموبايل.
في طريق جانبي ضيق.



