رد اعتبار حكايات اسما السيد 1
وفجأة ملامحها اتغيرت.
قربت منه ببطء.
— يا حاج محمود…
بصلها.
نور أشارت للميدالية.
— ممكن أشوف دي؟
ناولها له باستغراب.
نور قلبتها.
وعلى ظهرها كان محفور اسم قديم:
“محمود عبدالسلام — 1989”
إيد نور بدأت ترتعش.
فتحت شنطتها بسرعة.
وطلعت محفظتها.
ومن جيب صغير مخفي، أخرجت صورة قديمة كانت شايلها من سنين.
صورة لراجل شاب واقف جنب ست صغيرة في السن.
لكن وش الراجل كان واضح.
نفس العينين.
نفس شكل الأنف.
ونفس العلامة الصغيرة فوق الحاجب.
نور رفعت الصورة ناحية عم محمود.
وسألته بصوت متقطع:
— حضرتك… تعرف الست دي؟
عم محمود أخد الصورة.
وفي اللحظة اللي شافها فيها…
وشه فقد لونه.
إيده بدأت ترتعش.
وبص لنور كأنه شايف شبح.
قال:
— الصورة دي معاكي منين؟
نور ردت:
— دي صورة أمي.
سكت الممر كله.
عم محمود رفع عينيه إليها.
— أمك اسمها إيه؟
نور بلعت ريقها.
— سلوى.
الصورة وقعت من إيد عم محمود.
وهبة شهقت:
— بابا!
لكنه مكانش سامعها.
كان باصص لنور وبس.
وبصوت شبه الهمس قال:
