رد اعتبار حكايات اسما السيد 1
طفلة صغيرة نايمة عليه.
— ليلى!
صوت عم محمود دوى في الممر.
الطفلة فتحت عينيها.
ولما شافته…
ابتسمت.
— جدو!
عم محمود وصل للسرير.
مسك إيدها وباسها.
— أنا جيت يا روح جدو.
ليلى مدت إيدها الصغيرة ناحية رقبتها.
كان فيها خيط.
طلعت من تحت هدوم المستشفى ميدالية نحاس قديمة.
نزعتها وحطتها في إيد جدها.
— دي ليك.
عم محمود بص لها باستغراب.
— إيه دي؟
قالت ليلى:
— لقيتها في صندوق ماما.
هبة، اللي كانت واقفة وراهم…
اتجمدت.
لون وشها اتغير.
— ليلى!
لكن الطفلة كملت:
— كان معاها جواب قديم.
عم محمود رفع عينه لبنته.
— جواب إيه يا هبة؟
هبة فتحت بقها…
لكن الدكتور تدخل:
— معلش، لازم ندخل دلوقتي.
ليلى شدت إيد جدها.
— جدو…
— نعم يا حبيبتي؟
همست:
— متزعلش من ماما لما تعرف.
باب العمليات اتقفل.
وعم محمود فضل واقف مكانه.
الميدالية في كفه.
وبص ناحية بنته.
— أعرف إيه يا هبة؟
هبة بدأت تعيط.
لكن قبل ما تتكلم…
نور، اللي كانت واقفة بعيد وبتستعد تمشي، شافت الميدالية في إيد العجوز.
