Uncategorized

عاقر حكايات اسما السيد


بعد سنة تانية… ماكنش فيه حفل ضخم. ولا قاعة مليانة ناس. ولا دعوات فخمة. كان فيه بيت صغير، وأقرب ناس لينا، ومأذون، وتلات أطفال واقفين بينا. أنا وكريم قررنا نبدأ من جديد. مش لأن عندنا أطفال. ولا لأن الماضي اتمسح. الماضي عمره ما اتمسح. لكن لأنه تحمل مسؤوليته، واتغير بالأفعال قبل الكلام، وأنا اخترت بإرادتي أدي فرصة جديدة للراجل اللي بقى عليه… مش للراجل اللي كانه زمان.

بعد كتب الكتاب، ياسين قرب من كريم وقال: — يعني ماما بقت مراتك تاني؟ ضحك كريم: — أيوه. آدم سأله: — طب لو زعلتها تاني؟ كريم بصلي. وبعدين قال: — أعتذر وأصلح غلطي. آدم عقد دراعاته: — لأ… إحنا التلاتة هنتصرف معاك. ضحكنا كلنا.

أما ليان، فكانت ماسكة إيدي. بصتلي وقالت: — ماما؟ — نعم؟ — إنتِ مبسوطة؟ بصيت لأولادي. وبصيت للراجل اللي احتاج سنين عشان يعرف إن الاسم مش بيعيش بولد يشيله… الاسم بيعيش بالسيرة اللي صاحبه بيسيبها وراه.

نزلت لمستوى بنتي وقلت: — أيوه يا حبيبتي. أنا مبسوطة. لكن مش عشان بابا رجع. باسيتها وقلت: — عشان ماما عرفت قيمتها الأول.

وساعتها فهمت حاجة اتعلمتها بالطريقة الصعبة: الست مش قيمتها في إنها تخلف ولد، ولا بنت، ولا حتى تخلف أصلًا. والراجل اللي يقيس قيمة زوجته بقدرتها على الإنجاب… هو اللي محتاج يراجع معنى الزواج والرحمة قبل ما يدور على حد “يشيل اسمه”.

أنا يوم خرجت من بيت كريم كنت فاكرة إن حياتي انتهت. لكن الحقيقة؟ حياتي كانت لسه بتبدأ. والتلات أطفال اللي كنت خايفة أواجه بيهم الدنيا لوحدي… بقوا أكبر دليل إن اللي بيتكسر مش لازم يفضل مكسور.

وأما كريم… فاتعلم إن أصعب خسارة مش إن حلمك مايتحققش. أصعب خسارة… إن ربنا يديك النعمة، وتخسرها بإيدك قبل حتى ما تعرف إنها كانت موجودة.

تمت.

الصفحة السابقة 1 2 3 4 5

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى