زوجة زوجي حكايات اسما السيد 1
— سفر.
— هدايا.
— عقارات.
— تحويلات شخصية.
— وأي أموال اتصرفت من غير مستندات تثبت إنها لمصلحة العمل.
دولت حطت إيدها على صدرها.
— يا نهار أسود…
سما بصت لكريم.
— هو… هو في مشكلة؟
كريم صرخ فيها:
— اخرسي!
الكل اتفاجئ.
سما فتحت بقها.
— بتزعقلي أنا؟!
— قلت اخرسي!
ليلى كانت بتراقبه.
هي عارفة النظرة دي.
نظرة كريم لما يخاف.
مش لما يتعصب.
لما يخاف فعلًا.
قالت:
— مالك يا كريم؟
بصلها.
— خايف من المراجعة ليه؟
— أنا مش خايف.
— أمال بتترعش ليه؟
كريم بص لإيده.
كانت فعلًا بتترعش.
خبّاها بسرعة في جيبه.
حسام طلع ملف تاني.
— في الحقيقة… البروتوكول رقم 7 مش مجرد تجميد صلاحيات.
كريم بص له.
— أمال إيه؟
— بيبدأ مراجعة فورية لكل المعاملات المرتبطة بالإدارة العليا.
سكت.
ثم أضاف:
— بما فيها حسابات حضرتك.
كريم اندفع ناحيته.
— إنت مالكش حق!
راجل من اللي داخلين مع حسام وقف قدامه فورًا.
حسام ما اتحركش.
— عندي كل الحق بتفويض رسمي من المالكة صاحبة الحصة المسيطرة.
