زوجة زوجي حكايات اسما السيد 1
يومها كريم هو اللي استلم النتيجة بدلها.
رجعت تبص لحسام.
— التحويل كان إمتى بالظبط؟
حسام قال التاريخ.
ليلى حسّت الأرض بتتحرك تحت رجليها.
كان قبل يوم واحد فقط…
من اليوم اللي كريم رجع فيه البيت وقال لها إن الدكتور اكتشف “مشكلة خطيرة” في الحمل.
المشكلة اللي خلتها تعيش أسبوع كامل في رعب.
المشكلة اللي اختفت فجأة في التحاليل اللي بعدها.
ليلى قربت من كريم.
— إنت دفعت للدكتور ليه؟
— ما دفعتش لحد.
— التحويل باسم شركتك.
— معرفش عنه حاجة.
— إنت كنت رئيس الإدارة وقتها.
— قلتلك معرفش!
صوته كان عالي.
لكن عينه…
كانت بتفضحه.
ليلى قالت:
— حسام.
— نعم يا فندم.
— عايزة كل حاجة عن التحويل ده.
— حاضر.
كريم صرخ:
— مش من حقك!
ليلى لفت له.
ولأول مرة…
الغضب ظهر فعلًا في عينيها.
— لو الموضوع له علاقة بابني…
وحطت إيدها على بطنها.
— يبقى صدقني يا كريم…
— الشركة والفلوس والفيلا والصفقة…
— هيبقوا أقل حاجة تقلقك.
وفجأة…
جرس الباب رن للمرة التانية.
