زوجة زوجي حكايات اسما السيد 1
للأثاث اللي كريم كان بيتباهى بيه قدام أصحابه.
وقالت:
— بس غالبًا وجودكم إنتوا كمان قرب يخلص.
دولت ضربت بإيدها على الترابيزة.
— إنتِ بتهددينا في بيتنا؟!
ليلى ابتسمت ابتسامة صغيرة.
— بيتكم؟
وقبل ما دولت ترد…
موبايل كريم رن.
بص للشاشة.
كان المدير المالي للشركة.
رد بضيق:
— أيوه يا شريف؟
الصوت من الناحية التانية كان عالي لدرجة إن اللي قريبين منه سمعوه.
— أستاذ كريم… في مشكلة كبيرة جدًا.
وش كريم اتغير.
— مشكلة إيه؟
— كل الحسابات التشغيلية اتجمّدت.
— نعم؟!
الضحك اختفى من الصالة.
كريم بعد عن سما خطوتين.
— يعني إيه اتجمّدت؟ مين يقدر يعمل كده؟
— وصلنا إخطار من الجهة المالكة للصندوق الرئيسي بسحب صلاحيات مجلس الإدارة بالكامل لحين انتهاء مراجعة مالية شاملة.
كريم سكت ثانيتين.
وبعدين صرخ:
— جهة مالكة إيه؟! أنا رئيس مجلس الإدارة!
رد شريف:
— حضرتك رئيس تنفيذي… مش المالك النهائي.
الصمت نزل على المكان كأنه حجر.
دولت قامت من مكانها.
