زوجة زوجي حكايات اسما السيد 1
سما اتنهدت براحة.
— آه، دي الشقة اللي كريم اشتراهالي.
ليلى بصت لها.
— لأ.
ابتسامة سما اختفت.
— أمال؟
ليلى سحبت صورة من الملف.
وحطتها على الترابيزة.
سما بصت للصورة.
ثواني…
وبعدين وشها اتغير تمامًا.
كانت صورة لكريم.
داخل مطعم.
وقصاده ست تالتة.
إيده فوق إيدها.
سما رفعت الصورة بإيد مرتعشة.
— مين دي؟
كريم حاول يخطفها منها.
— سما، سيبي الصورة.
بعدتها عنه.
— مين دي يا كريم؟!
— واحدة شغالة معانا.
ليلى قالت:
— اسمها نادين.
سما بصت لها.
— تعرفيها؟
— للأسف.
وبعدين بصت لكريم.
— والشقة اللي في الساحل…
سكتت.
— مش باسم سما.
سما قربت من كريم.
— باسم مين؟
ليلى ردت:
— باسم نادين.
سما فضلت باصة له ثواني.
وبعدين…
لطشته بالقلم على وشه.
الصوت دوّى في الصالة.
— يا ابن الكلب!
كريم مسك خدّه.
— إنتِ اتجننتي؟!
— كنت بتخوني؟!
ليلى ضحكت ضحكة صغيرة من غير فرحة.
— غريبة.
سما لفت لها.
ليلى قالت:
— لما عملها معايا كنتِ شايفة إنك انتصرتي.
— لما عملها معاكي بقى اسمه خاين؟
