منوعات

رد اعتبار حكايات اسما السيد 2

ضحكوا لأول مرة في الليلة دي.


الصبح، ليلى فاقت.

عم محمود دخل لها.

أول ما شافته ابتسمت بتعب.

— لحقت يا جدو.

مسك إيدها.

— كنت هلحق حتى لو مشيتلك الدنيا كلها.

ليلى بصت ناحية الباب.

نور كانت واقفة هناك.

قالت ليلى:

— دي مين؟

عم محمود ابتسم.

— دي بنت أنقذت جدو الأول… وبعدين ساعدت في إنقاذك.

نور قربت.

ليلى قالت:

— إنتِ اللي وصلتي جدو؟

— أيوه.

— شكرًا.

نور باست رأسها.

— سلامتك يا بطلة.

ليلى بصت لجدها:

— عرفت سر الميدالية؟

عم محمود ضحك وهو بيعيط.

— عرفت يا ستي.

— زعلت من ماما؟

— لأ.

ثم بص لهبة.

— كفاية أسرار بقى.


بعد أسبوعين…

نور دخلت نفس الكافيه.

المدير عرفها فورًا.

قرب منها وقال:

— آنسة نور؟

— أيوه.

أشار ناحية ترابيزة في الركن.

عم محمود كان قاعد هناك.

قدامه ساندوتشين وقهوتين.

نور ضحكت.

— إيه ده؟

قال:

— مستنيكي.

قعدت قدامه.

طلع محفظته.

فتحها.

المرة دي كان فيها فلوس.

قال بفخر:

— النهارده أنا اللي هعزمك.

نور ضحكت:

— خلاص موافقة.

سكت لحظة.

ثم أضاف:

— بس الـ390 جنيه بتوعك مش هعرف أرجعهملك.

الصفحة السابقة 1 2 3 4 5 6 7 8 9 10الصفحة التالية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى