منوعات
رد اعتبار حكايات اسما السيد 2
عم محمود رفع الميدالية.
— دي كانت معايا وأنا صغير. اديتها لسلوى قبل ما تختفي.
هبة تراجعت خطوة.
— استنى…
بصوا لها.
قالت:
— أنا لقيت الميدالية دي من حوالي شهر.
— فين؟
هبة ترددت.
— في حاجات ماما بعد وفاتها.
عم محمود وقف.
— أمك كانت معاها؟!
هبة بدأت تفهم هي كمان.
— كان فيه صندوق مقفول. ليلى فتحته وهي بتلعب من أسبوعين. لقيت الميدالية وجواب… وأنا خبيتهم.
عم محمود صرخ:
— ليه؟!
— لأني قريت الجواب!
— وكان مكتوب فيه إيه؟
هبة بدأت تبكي.
— كان مكتوب باسمك.
مدت إيدها داخل شنطتها.
طلعت ظرفًا قديمًا مطويًا.
ناولته لأبوها.
فتح عم محمود الورقة.
قرأ أول سطر.
ثم قعد.
نور قالت:
— إيه المكتوب؟
رفع الورقة.
— “محمود… سامحني. أنا عرفت من سنين إن سلوى عايشة.”
نور شهقت.
