حمايا العزيز حكايات اسما السيد 1

— للأسف فيه بند أخير متعلق بمدام سارة وأولاد المرحوم محمود.

قلبي اتقبض.

قرأ:

— “لا أوصي بأي جزء من أموالي أو ممتلكاتي لزوجة ابني الراحل محمود أو لولديه، وأعتبر أن ما يخص فرع محمود من العائلة قد انتهى بوفاته.”

حسيت إيد آدم الصغيرة شدت على إيدي.

وسألني بصوت واطي:

— يعني جدو مش سايبلنا حاجة يا ماما؟

قبل ما أرد…

مرات شريف ضحكت وقالت:

— ما تزعلوش يا حبايبي… ماما شاطرة في الشغل وهتعرف تصرف عليكم.

بصيتلها.

قالت وهي بتعدل شنطتها:

— وبعدين أبوكم مات من زمان… كان المفروض تكوني فهمتي إن مال العيلة لأصحاب العيلة.

الجملة دي خلتني أفتكر الليلة اللي قبل موت محمود بحوالي أسبوعين.

كان داخل البيت متوتر جدًا.

اداني مفتاح صغير مربوط بخيط أسود وقاللي:

— خليه معاكي.

قلتله:

— مفتاح إيه ده؟

قال:

— صندوق أمانات باسمك في البنك.