18 عاما من الالم حكايات اسما السيد 2
سكت قليلًا، ثم قال:
— لكن أعرف شخص واحد كان يعرف الحقيقة كاملة.
— مين؟
كريم بص ناحية الصورة القديمة لخطيبتي.
وقال:
— الدكتور اللي ولدها.
قلت:
— الدكتور مات من 12 سنة.
هز كريم راسه.
— ده اللي إنت فاكره.
مد إيده لجيب جاكيته.
طلع قصاصة جريدة قديمة.
حطها قدامي.
كان فيها خبر وفاة الدكتور في حادث سيارة.
وتحتها صورة.
قال كريم:
— الصورة دي مش ليه.
بصيت كويس.
فعلاً الملامح قريبة…
لكن مش هو.
قلت:
— إيه ده؟
— من شهرين شفت الدكتور بعيني.
— فين؟
— في إسكندرية.
وقبل ما أسأله، موبايله رن.
بص للشاشة.
وشه اتغير.
رفض المكالمة.
رن تاني.
نفس الرقم.
قلت:
— رد.
— مش مهم.
خطفت الموبايل من إيده.
رديت.
— ألو؟
مفيش صوت.
وبعدين سمعت صوت راجل كبير.
قال بهدوء:
— كريم عندك؟
بصيت له.
قلت:
— مين معايا؟
الراجل ضحك ضحكة قصيرة.
وبعدين قال:
— واضح إن الفوط اتفتحت أخيرًا.
اتجمدت.
— إنت مين؟
سكت ثانية.
ثم قال:
— قبل ما تسأل مريم ونور مين أمهم…
اسأل نفسك سؤال أهم.
بلعت ريقي.
— سؤال إيه؟
