عمله معدنيه حكايات اسما السيد

من سنين طويلة، بنته كانت بتحب شاب هو ما كانش موافق عليه.
هو كان شايف إنه مش مناسب ليها.
ضغط عليها.
حاول يبعدها عنه.
ولما هي أصرت تتجوزه…
قال لها جملة عمره ما نسيها:
— لو خرجتي من البيت عشان تتجوزيه، ماترجعيش تاني.
وهي خرجت.
وما رجعتش.
الراجل قال وهو باصص للأرض:
— كنت فاكر إنها هترجع بعد أسبوع… بعد شهر… حتى بعد سنة.
لكن كبريائي منعني إني أدور عليها.
الطفل سأل:
— وبابا؟
الراجل بصله.
الطفل كمل:
— ماما قالت إنه مات وأنا صغير.
الراجل أخد نفس طويل.
— أنا ماعرفتش.
الطفل قال ببساطة وجعت قلبه:
— ماما عاشت لوحدها بعده.
الراجل حط إيده على وشه.
كل السنين اللي ضيعها…
وقفت قدامه مرة واحدة.
فجأة قام.
أخد مفاتيحه.
وقال للطفل:
— خدني عندها.
الطفل بصله بخوف.
— دلوقتي؟
— دلوقتي.
العاملة قالت:
— يا فندم… والولد يأكل الأول.
الراجل بص للطفل.
وسأل:
— تقدر تاخد الأكل معاك؟
الطفل هز راسه.
طلب له أكتر من وجبة.
ولما الحساب جه، دفعه من غير ما يبص للرقم.
وبعد دقائق…




