عمله معدنيه حكايات اسما السيد
قال الراجل بصوت مختلف تمامًا:
— عايز أعرف مين اللي منع بنتي توصل لي من سنين.
وسكت لحظة.
— وعايز الحقيقة كلها… النهاردة.
قفل المكالمة.
وبص من زجاج باب الأوضة.
شاف بنته بتقسم الأكل بينها وبين ابنها.
ولأول مرة…
فهم إن التلات عملات اللي الطفل حطها على رخامة المطعم…
ماكانتش تمن وجبة.
كانت تمن باب اتفتح بعد سنين من الندم.
لكن اللي ماكانش يعرفه…
إن الحقيقة عن المكالمة القديمة كانت لسه أخطر من كل اللي فات.
#حكايات_الكاتبه_اسما_السيد
“الحكاية لم تنتهِ بعد…”
📖 باقي القصة في الجزء القادم.
✍️ الكاتبة أسما السيد
تاني يوم الصبح…
الراجل وصل المستشفى قبل الميعاد بساعة كاملة.
ماكنش نام تقريبًا.
فضل طول الليل يقلب في ذكرياته، ويحاول يفتكر مين كان موجود في البيت وقت المكالمة اللي قالت بنته إنها عملتها بعد وفاة جوزها.
وكان فيه اسم واحد بيرجع في دماغه كل مرة.
قريب له كان عايش معاه وقتها.
شخص كان دايمًا بيتدخل في كل حاجة.
وكان أكتر واحد قال له وقتها:
