طفله صغيره حكايات اسما السيد 2
الفصل الرابع
الاسم اللي قلب كل حاجة
رفعت البطانة من قاع الصندوق…
والاسم كان مكتوب بخط أسود واضح:
كمال الشامي.
فضلت باصص للاسم كام ثانية.
ليلى قالت:
— تعرفه يا بابا؟
ما رديتش فورًا.
لأن كمال الشامي…
ماكنش شخص غريب.
ده كان صاحب العربية اللي لقيت ليلى في شنطتها من ستاشر سنة.
العربية اللي وصلت الورشة مرفوعة على عربية إنقاذ.
العربية اللي قالوا وقتها إن صاحبها اختفى.
العربية اللي من بعدها بدأت حياتي كلها تتغير.
عم صبري قام من الكرسي فجأة.
— مستحيل.
بصيت له.
— إنت فاكر الاسم؟
هز راسه ببطء.
— أكيد فاكره.
ليلى بصت بينا.
— مين كمال الشامي؟
قلت:
— الراجل اللي كانت العربية باسمه يوم ما لقيتك.
ملامحها اتبدلت.
— يعني هو اللي حطني في الشنطة؟
قلت:
— لسه ما نعرفش.
رجعنا للفيديو.
ندى كانت بتتكلم وهي باصة للكاميرا بتوتر.
قالت:
— كمال أخويا الكبير.
ليلى شهقت.
أنا قربت من الشاشة.
ندى كملت:
— هو الوحيد من عيلتي اللي كنت واثقة فيه.
سكتت.
وبعدين قالت:
