ومتنسوش المتابعة عشان تكملوا باقي القصة ❤️

✍️ الكاتبة: أسما السيد

🚫 ممنوع نسخ القصة أو إعادة نشرها على أي صفحة أو حساب دون إذن. للكاتبة أسما السيد… ولو لقيتها عند اي حد هعمل بلاغ بدون إنذارات..

@أبرز المعجبين

الجزء الأول: مرات أخويا

— بصي يا بنت الناس… كل واحد من إخواتي عنده عزوة وعيال، وأنا مش أقل منهم.

الجملة خرجت من محمد بمنتهى الهدوء.

هدوء وجعني أكتر من لو كان زعق أو شتمني.

كنت قاعدة وسط عيلته يوم الجمعة، والسفرة لسه عليها الأكل، والملاعق بتخبط في الأطباق، وصوت التلفزيون جاي من الصالة.

من دقايق بس كانوا بيضحكوا.

وأنا كنت بلف ورق العنب لأمه في طبقها زي ما بعمل كل جمعة من سبع سنين.

وفجأة…

لقيت جوزي بيقرر نهاية جوازنا وسط الأكل.

محمد مسح بوقه بالمنديل وكمل:

— الدكاترة قالوا إن حملك صعب، وأنا نفسي أبقى أب. علشان كده قررت أتجوز ناهد بنت خالتي.

إيدي ثبتت فوق الطبق.

ناهد؟

رفعت عيني عليها.