بنتي الصغيره حكايات اسما السيد 2

عمر ضحك بمرارة.

— يعني حياتي كلها كانت مسرحية.

ملك كانت ساكتة طول الوقت.

وفجأة قالت:

— بس طنط ريم كانت بتقول إن الطفل اللي هيتولد أمه الحقيقية ست تانية.

بصينا لها.

ريم شهقت.

عمر قال:

— ملك سمعت صح؟

ريم غمضت عينيها.

— أيوه.

— طفل مين؟

— طفل مريم.

مريم اتجمدت.

ريم كملت:

— الخطة كانت إننا ناخد الطفل بعد الولادة… ويتقال إن أنا اللي ولدته.

عمر رفع إيده على راسه من الصدمة.

دلوقتي فهمنا سبب البطن الصناعية.

ريم كانت بتجهز العيلة كلها نفسيًا لاستقبال مولود.

ولما مريم تولد…

الطفل ينتقل لريم.

فتظهر أمام الجميع كأنها أمه.

لكن مريم قالت:

— فيه حاجة هما ما يعرفوهاش.

بصينا لها.

ابتسمت لأول مرة ابتسامة صغيرة.

— أنا كنت متعاونة مع التحقيقات من قبل ما أكلم عمر.

ريم اتصدمت.