بعد حب سنين اسما السيد

بعد حب سنين اتقدملي اخيرا، وبعد ما خرج من بيتنا بساعة بعت رسالة قال فيها إنه مش هيكمل ولما سألته عن السبب ردت امه بشلق “امك مستضكره..وبترد بدل أبويا علي كل كلمه وان أبويا راجل مره” انا اتصدمت واقسمت اعرفها مين اللي مره..
عمري ما كنت فاكرة…إن أكتر يوم استنيته في حياتي…
هيكون بداية أكبر وجع.أنا وهو…قصة حب بقالها سنين.
استحملنا البعد…والظروف…وكلام الناس.
وكان كل مرة يقولي:”اصبري…اليوم اللي هدخل فيه بيتكم وأطلب إيدك قرب.”وفعلًا…اليوم جه.صحيت من بدري.
ساعدت ماما في تجهيز البيت.ولبست أحسن لبس عندي.
وقلبي بيدق من الفرحة.هو جه…مع والده ووالدته.
قعدوا في الصالون.وبدأ الكلام.أبويا رحب بيهم.وأمي كانت قاعدة جنبه.كل ما حد يسأل سؤال…كانت أمي ترد.
وأبويا كان يوافق بكلمة أو اتنين.بالنسبة لي…الموضوع كان طبيعي.أمي طول عمرها شخصيتها قوية.وأبويا هادي بطبعه.والاتنين عمرهم ما كان بينهم مشكلة.الزيارة خلصت…وهو مشي.قبل ما ينزل…بصلي بابتسامة.
وخرج.فضلت مستنية رسالته…وأنا فرحانة.
قلت أكيد هيقولي…إنه مبسوط.وإنه مستني اليوم اللي هنحدد فيه ميعاد الخطوبة.لكن…بعد حوالي ساعة…
الموبايل رن.كانت رسالة منه.”أنا آسف…مش هينفع نكمل.”
حسيت إن الأرض بتتهز تحت رجلي.
اتصلت بيه فورًا.
قلت له:”في إيه؟””إيه اللي حصل في ساعة؟”
سكت شوية..وبعدين لقيت اللي خطفت منه الفون كانت امه اللي اتكلمت بشلق شكل نسوان الشوارع : “أمك يا عنيا مسترجلة…”
اتصدمت..قلت:” نعم.. ماما..إزاي يعني؟”
كملت :”هي اللي كانت بترد على كل كلمة.””وأبوكي كان ساكت ابوكي راجل مره..مينسبناش النسب العره ده”
قلت له بعصبية: انتي ست قليلة الادب” ولسه هكمل لقيت الخط اتقفل
قفلت المكالمة…وأنا مش مستوعبة…هو حبني سنين…
واستنانا سنين…وفي الآخر…
كل الحب ده…
وقع بسبب انطباع أخده من قعدة واحدة؟
ولا…كان بيدور على أي سبب…علشان ينسحب؟ في كلتا الحالات انا مش هسكت لابن العره ده هو وامه وقررت ونفذت.. واللي حصل بعدها كان معركه..
تحب تعرف التكملة يالا لايك وسيبلي كومنت وهرد عليكم بالباقي في التعليقات..يتبع…حكايات أسما السيد. حصري
توته وستوته @أبرز المعجبين