اشتغلت بالليل حكايات اسما السيد

قال:
— مش عايز أتكلم في التفاصيل.
قلت:
— وأنا عايزة أتكلم! من حقي أفهم.
لكنه وقف.
قلتله:
— في واحدة تانية؟
ما ردش.
— عمر، بصلي.
بصلي ثواني، وبعدين قال:
— الموضوع انتهى يا سلمى.
ومشي.
بكل بساطة.
سابني قاعدة لوحدي في طرقة المستشفى.
بعد كل اللي عدينا بيه…
بعد كل ليلة سهر…
وكل مرة كنت بخاف أصحى ألاقيه حالته ساءت…
بعد ما كنت مستعدة أدي من عمري علشان يعيش…
أول ما الدكتور قال إنه خف، قرر إنه ما بقاش عايزني في حياته.
ماعرفتش قعدت مكاني قد إيه.
كنت ببص قدامي وبحاول أفهم.
هل كان مستني يخف علشان يسيبني؟
هل في واحدة تانية؟
هل كان جوازنا بالنسبة له حمل وهو مريض؟
أسئلة كتير كانت بتلف في دماغي.
لحد ما سمعت حد بينادي:
— مدام سلمى؟
رفعت راسي.
كان الدكتور بتاع عمر واقف قدامي.
بص ناحية المكان اللي عمر مشي منه، وبعدين بصلي.
واضح إنه شاف جزء من اللي حصل.
قال:
— هو قالك؟
قلت وأنا بمسح دموعي:
— قاللي إنه عايز يطلقني.
الدكتور سكت لحظة.
وبعدين قعد على الكرسي اللي جنبي.


