روايات وقصص
توام الروح حكايات اسما السيد
قال ببساطة:
— يوسف.
— هو قالك إن اسمه يوسف؟
هز راسه.
— لأ.
قلبي دق أسرع.
— أمال عرفت منين إنه يوسف؟
بصلي باستغراب.
— عشان هو يوسف يا ماما.
قعدت قدامه.
— قالك إيه؟
سكت.
— آدم، لازم تقولي.
هز راسه:
— وعدته.
— وعدته بإيه؟
بدأ يعيط.
خدته في حضني وقلت:
— مش هزعقلك… بس أنا خايفة عليك.
بعد شوية همس:
— قالّي أقولك إن العربية الحمرا مش هي اللي خبطته.
جسمي كله تلج.
بعد الحادثة، جوزي قال إن عربية نقل حمراء فقدت السيطرة ودخلت عليهم.
وده نفس الكلام اللي اتقال لنا وقتها.
سألت آدم:
— قالك إيه تاني؟
رد:
— قالّي بابا عارف.
في اللحظة دي…
سمعت مفتاح جوزي في الباب.
دخل.
شاف وشي وقال:
— مالك؟
بصيتله.
لأول مرة من ست شهور، حسيت إني مش عارفة الراجل اللي واقف قدامي.
