روايات وقصص
توام الروح حكايات اسما السيد
ماكنتش مستوعبة.
— ليه؟
رفع وشه.
— لأن لما وصلت للمستشفى اللي فيه يوسف، الدكتور قال إن إصابته صعبة وإن علاجه ممكن ياخد شهور، وإنه محتاج عمليات وتأهيل.
قلت:
— وبعدين؟
— كنت مرعوب.
— فقلتلي ابني مات؟!
— اسمعيني.
— مفيش حاجة تتسمع!
لكنه قال جملة وقفتني:
— أبويا هو اللي ضغط عليا.
أبوه.
جد يوسف.
الراجل اللي حضني في العزا وقال:
“احتسبي ابنك عند ربنا.”
قلت:
— أبوك عمل إيه؟
قال:
— قال إنك منهارة، وإنك مش هتستحملي تشوفي يوسف بالحالة دي. وقال ناخده يتعالج بعيد مؤقتًا لحد ما حالته تستقر.
— فين؟
سكت.
— فين ابني؟!
قال اسم مركز تأهيل خاص خارج القاهرة.
مسكت شنطتي.
— هنروح دلوقتي.
قال:
— استني.
— ثانية واحدة مش هستنى.
رحنا.
طول الطريق ما بصتش لجوزي.
