وانا بعمل سونار حكايات اسما السيد
ماما قالت:
— الموضوع مرتب من البداية.
قلت:
— يعني اتجوزني علشان ياخد كل حاجة؟
قالت:
— غالبًا.
أنا سكت.
قالت:
— لكن لسه ناقصنا دليل مباشر إنه كان عارف بالميراث قبل الجواز.
قلت:
— نجيبه إزاي؟
قالت:
— نخليه هو يقوله.
—
بعد يومين، رجعت البيت.
تصرفت طبيعي.
قلت له:
— فكرت في موضوع الورق.
عينه لمعت.
— و؟
قلت:
— ممكن أوافق.
قرب مني.
— بجد؟
قلت:
— بس عندي شرط.
— إيه؟
— أعرف كل حاجة.
اتغير وشه.
قلت:
— أنا مش طفلة.
— أنا عايزة أعرف الفلوس هتروح فين.
قال:
— قلتلك استثمار.
قلت:
— مع مين؟
سكت.
قلت:
— مع الشركة اللي إنت شريك فيها؟
هو اتجمد.
ثانية واحدة.
لكنها كانت كفاية.
قال:
— شركة إيه؟
قلت:
— ما تعملش نفسك مش فاهم.
بصلي.
— مين قالك؟
قلت:
— مش مهم.
بدأ يتوتر.
قال:
— إنت فتشتي ورايا؟
قلت:
— لو هديك كل حاجة، لازم أفهم.
سكت.
وبعدين غير أسلوبه.
قرب مني.
وقال:
— تمام.
— عايزة الحقيقة؟
قلت:
— آه.
قال:
— أنا عارف عن ميراثك من قبل ما نتجوز.
قلبي ضرب.
بس حاولت ما أبينش.
قلت:
— من إمتى؟
