وانا بعمل سونار حكايات اسما السيد
وقالت:
— ما تروحيش لوحدك.
أنا رفعت عيني لها.
— التحويل الكبير ده كان من حساب مين؟
سكتت ثواني.
وبعدين فتحت الملف تاني.
قلبت كام ورقة.
وسحبت ورقة مطبوعة.
حطتها قدامي.
بصيت للاسم.
وفي الأول ما فهمتش.
رجعت قريته تاني.
وشي اتحول.
قلت:
— ده… حساب ماما.
الدكتورة هزت راسها.
— أيوه.
أنا ضحكت بعصبية.
— مستحيل.
— للأسف مش مستحيل.
— أمي أصلًا ما بتطيقوش.
— الظاهر إن ده ما منعوش إنه يوصل لفلوسها.
إيدي بردت.
بصيت للورقة.
مبلغ كبير اتحول على أكتر من دفعة.
قلت:
— هو خد الفلوس دي إزاي؟
قالت:
— ده الجزء اللي لسه مش واضح عندي.
وقربت مني.
— بس اللي واضح إن جوزك كان عنده وصول لمعلومات مالية عنك وعن والدتك من فترة.
أنا قعدت ساكتة.
كل ذكرياتي معاه بدأت تتغير قدام عيني.
أسئلته البسيطة.
اهتمامه بأوراق التأمين.
قوله:
— خلي كل حاجة مترتبة عشان لو حصل ظرف.
قوله:
— لازم يكون عندنا نسخة من العقود في مكان واحد.
قوله:
— الحسابات المشتركة بتخلي الحياة أسهل.
كنت فاكرة ده اهتمام.
