زوجة زوجي حكايات اسما السيد 2
طلعت ملف وحطته قدام كريم.
— دي الأوراق اللي إنت أصريت إني أجيبها بنفسي.
كريم مد إيده.
لكن ليلى حطت إيدها فوق الملف ومنعته.
— قبل ما تاخدهم… في حاجة لازم تعرفها.
— إيه؟
— إنت طلبت مني ملفات صفقة “النخيل الجديدة”، صح؟
— أيوه.
— وقلتلي إن مجلس الإدارة وافق عليها.
كريم سكت.
حسام بص له.
ليلى كملت:
— المشكلة إن مفيش مجلس إدارة وافق.
وش كريم اتجمد.
دولت قالت:
— يعني إيه؟
ليلى فتحت الملف.
— يعني ابنك كان بيحاول يمرر صفقة بـ 620 مليون جنيه باستخدام توقيعات مزورة.
سما شهقت.
دولت مسكت طرف الكنبة.
أما كريم…
فصرخ:
— كدابة!
ليلى طلعت ورقة.
— ده توقيع عضو مجلس الإدارة عادل الشناوي.
طلعت ورقة تانية.
— وده إقرار منه إنه ماوقعش.
ورقة تالتة.
— وده تقرير خبير التوقيعات.
حسام أكمل:
— والتقرير أكد وجود تلاعب.
كريم بص حواليه.
كل العيون عليه.
— دي مؤامرة!
ليلى هزت راسها.
— لأ.
— دي كانت فرصتك الأخيرة.
كريم رمش.
— فرصة إيه؟
ليلى بصت له بحزن للحظة.
مش حزن عليه.
