زوجة زوجي حكايات اسما السيد 2
دولت بقت متوترة.
— خلاص! مالوش لازمة الكلام القديم ده.
ليلى بصت لها.
— بالعكس.
قربت منها.
— حاسة إن الكلام القديم هو أهم حاجة هنا.
دولت رجعت خطوة.
— إنتِ مالكيش دعوة بتاريخ العيلة.
ليلى ضحكت بمرارة.
— من شوية كنتوا عايزين تاخدوا شركتي وابني بتقرير مزور.
— دلوقتي بقى مالكيش دعوة؟
حسام قال للمحاسب:
— إيه علاقة الدكتور وائل؟
المحاسب فتح شنطته.
— الحاج منصور قبل وفاته طلب مني أراجع مدفوعات قديمة جدًا.
— ولقينا تحويلات شهرية للدكتور وائل استمرت أكتر من خمسة وعشرين سنة.
طارق قال:
— مقابل إيه؟
— مفيش بند واضح.
دولت قعدت فجأة.
ليلى لاحظت إن إيديها بتترعش.
طارق قرب من أمه.
— ماما؟
— أنا كويسة.
— إنتِ وشك أصفر.
— قلت كويسة!
كريم فجأة قال:
— الموضوع ده مالوش علاقة بليلى.
الدكتور شريف رد:
— له علاقة.
كريم بص له بحدة.
الدكتور كمل:
— لأن الدكتور وائل هو اللي أمر بتعديل بيانات العينة.
ليلى قالت:
— عايزة أكلمه.
الدكتور شريف بص لها.
— دلوقتي؟
