زوجة زوجي حكايات اسما السيد 2

الجميع سكت.

الدكتور قال:

— الرقم قديم.

— لكن العينة اللي دخلت المعمل كانت حديثة.

حسام قرب منه.

— يعني حد استخدم بيانات طارق على عينة شخص آخر؟

— غالبًا.

ليلى بصت لكريم.

هو ما بقاش بيصرخ.

وده كان كفاية يخوفها.

قالت:

— مين العينة الحقيقية؟

الدكتور سكت.

— جاوبني.

— ماعرفش.

— إزاي ماتعرفش؟

— لأن كريم استلم التقرير الأول بنفسه، وبعدها بساعات حصل تعديل في النظام.

حسام قال:

— مين عنده صلاحية يعمل تعديل؟

الدكتور رد:

— مدير المعمل.

— واسمه؟

الدكتور تردد.

— الدكتور وائل منصور.

طارق قال:

— منصور؟

دولت رفعت راسها بسرعة.

— وائل؟

ليلى لاحظت وشها.

— تعرفيه؟

دولت ما ردتش.

— يا مدام دولت… تعرفيه؟

قالت بسرعة:

— معرفة قديمة.

المحاسب اللي كان واقف ساكت قال:

— مش مجرد معرفة.

دولت صرخت:

— إنت ماتدخلش!

ليلى بصت للمحاسب.

— كمل.

المحاسب قال:

— الدكتور وائل كان شريك الحاج منصور زمان.

طارق هز راسه.

— أيوه، فاكره. بابا قطع علاقته بيه من سنين.

المحاسب قال:

— مش بالظبط.