زوجة زوجي حكايات اسما السيد 2
الصوت دوّى في الصالة.
— يا ابن الكلب!
كريم مسك خدّه.
— إنتِ اتجننتي؟!
— كنت بتخوني؟!
ليلى ضحكت ضحكة صغيرة من غير فرحة.
— غريبة.
سما لفت لها.
ليلى قالت:
— لما عملها معايا كنتِ شايفة إنك انتصرتي.
— لما عملها معاكي بقى اسمه خاين؟
سما ماعرفتش ترد.
وفي اللحظة دي…
موبايل حسام رن.
رد.
— أيوه.
فضل ساكت وهو بيسمع.
وبعدين ملامحه اتغيرت.
— متأكدين؟
بص ناحية ليلى.
— تمام… ابعتولي المستند حالًا.
قفل.
ليلى سألته:
— في إيه؟
حسام تردد.
— لقينا حاجة أثناء تجميد الحسابات.
كريم شحب.
— حاجة إيه؟
حسام ما بصش له.
بص لليلى مباشرة.
— تحويل مالي كبير خرج من حساب الشركة من حوالي سبع شهور.
ليلى عقدت حواجبها.
— لمين؟
حسام فتح الملف اللي وصله على التابلت.
قرأ الاسم.
وبعدين رفع عينه ببطء.
— لدكتور اسمه شريف علام.
ليلى اتجمدت.
إيدها نزلت من فوق بطنها.
— دكتور شريف علام؟
حسام هز راسه.
— أيوه.
ليلى همست:
— ده… الدكتور اللي كان بيتابع حملي في الأول.
كريم اتحرك فجأة ناحية الباب.
