زوجة زوجي حكايات اسما السيد 2
لكن قبل ما تركب عربيتها…
حسام جاله اتصال.
رد.
— أيوه؟
وقف فجأة.
— إمتى؟
ليلى بصت له.
— في إيه؟
حسام رفع إيده يطلب منها تستنى.
— محدش يلمس أي حاجة. أنا جاي حالًا.
قفل.
وشه كان متوتر.
ليلى قالت:
— حسام؟
— المراجعة المالية لقت حساب خارجي.
— باسم كريم؟
— لأ.
— أمال باسم مين؟
حسام بص ناحية الفيلا.
— باسم حضرتك.
ليلى عقدت حواجبها.
— أنا معنديش حساب خارجي بالاسم ده.
— عارف.
— فيه كام؟
حسام سكت.
— حسام؟
— حوالي 43 مليون دولار.
ليلى اتجمدت.
— إيه؟!
— والحساب اتفتح باستخدام صورة بطاقتك وتوقيع إلكتروني باسمك.
ليلى همست:
— كريم.
حسام هز راسه.
— المشكلة مش هنا.
— أمال فين؟
طلع التابلت وفتح المستند اللي وصله.
— الحساب اتفتح من تسع سنين.
ليلى بصت له.
— قبل جوازي من كريم.
— أيوه.
— أنا أصلًا ماكنتش أعرفه وقتها.
— بالضبط.
ليلى حسّت بقشعريرة.
— مين فتحه؟
حسام بص للاسم الموجود في خانة الوكيل.
واتغير وشه.
— الشخص اللي فتح الحساب بالنيابة عنك…
رفع عينه لها.
