زوجة زوجي حكايات اسما السيد 2
ليلى لفت له.
ولأول مرة…
الغضب ظهر فعلًا في عينيها.
— لو الموضوع له علاقة بابني…
وحطت إيدها على بطنها.
— يبقى صدقني يا كريم…
— الشركة والفلوس والفيلا والصفقة…
— هيبقوا أقل حاجة تقلقك.
وفجأة…
جرس الباب رن للمرة التانية.
الخدامة فتحت.
ودخل راجل في أواخر الخمسينات، ماسك ظرف كبير في إيده.
أول ما كريم شافه…
رجع خطوتين.
ليلى لاحظت.
حسام سأل:
— حضرتك مين؟
الراجل ما ردش عليه.
بص لليلى.
— مدام ليلى فؤاد؟
— أيوه.
مد لها الظرف.
— أنا المحاسب السابق لمجموعة المنصور.
كريم صرخ:
— اطلع بره!
الراجل تجاهله.
وقال لليلى:
— استنيت سبع سنين عشان أقدر أسلمك ده.
ليلى أخدت الظرف.
— فيه إيه؟
الراجل بص ناحية كريم…
وبعدين ناحية دولت.
وقال:
— الدليل إن كريم ماكانش بيحاول يسرق شركتك بس.
دولت شهقت.
ليلى سألت:
— أمال كان بيعمل إيه؟
الراجل قال بهدوء:
— كان بيحاول يثبت إنك غير مؤهلة تديري أموالك.
ليلى اتجمدت.
— ليه؟
الراجل بص لبطنها.
ثم قال:
— عشان ياخد الوصاية على ممتلكاتك…
