زوجة زوجي حكايات اسما السيد 2
حزن على السنين اللي ضاعت.
— أنا عرفت عن الصفقة من أسبوعين.
— وسكتّ.
— عرفت عن التحويلات اللي بتطلع من الشركة لحساب خاص.
— وسكتّ.
سما بصت لكريم بسرعة.
— حساب خاص إيه؟
ليلى كملت:
— وعرفت إن جزء من الفلوس اتصرف على شقة في الساحل.
سما اتنهدت براحة.
— آه، دي الشقة اللي كريم اشتراهالي.
ليلى بصت لها.
— لأ.
ابتسامة سما اختفت.
— أمال؟
ليلى سحبت صورة من الملف.
وحطتها على الترابيزة.
سما بصت للصورة.
ثواني…
وبعدين وشها اتغير تمامًا.
كانت صورة لكريم.
داخل مطعم.
وقصاده ست تالتة.
إيده فوق إيدها.
سما رفعت الصورة بإيد مرتعشة.
— مين دي؟
كريم حاول يخطفها منها.
— سما، سيبي الصورة.
بعدتها عنه.
— مين دي يا كريم؟!
— واحدة شغالة معانا.
ليلى قالت:
— اسمها نادين.
سما بصت لها.
— تعرفيها؟
— للأسف.
وبعدين بصت لكريم.
— والشقة اللي في الساحل…
سكتت.
— مش باسم سما.
سما قربت من كريم.
— باسم مين؟
ليلى ردت:
— باسم نادين.
سما فضلت باصة له ثواني.
وبعدين…
لطشته بالقلم على وشه.
