مكافأة مالية حكايات اسما السيد
لقيت عربية سودا واقفة.
والباب اتفتح.
شريف نزل منها.
مريم وقفت.
شريف ابتسم.
— كنتِ ناوية تمشي من غير ما تسلمي؟
مريم ضمت الملف لصدرها.
قال:
— الملف ده بتاعي.
— ده بتاع أبويا.
شريف ضحك.
— أبوكي مات.
مريم ردت:
— بس حقه لسه عايش.
ابتسامته اختفت.
— اسمعيني كويس يا مريم. إنتِ بنت بسيطة، وعندك أم مريضة وأخ في الجامعة. ممكن أغير حياتكم في خمس دقايق.
طلع دفتر شيكات.
— اكتبي الرقم اللي إنتِ عايزاه.
مريم بصتله.
— حضرتك بتشتري سكوتي؟
— أنا بشتري راحتك.
— بنفس الطريقة اللي اشتريتوا بيها سكوت أبويا؟
وشه اتشد.
قال:
— أبوكي اختار غلط.
مريم قربت خطوة.
— لأ… أبويا اختار بنته.
شريف قال من بين سنانه:
— وآخره مات فقير.
مريم ردت:
— ومات نضيف.
الجملة ضربته.
مد إيده ناحية الملف.
— هاتي الورق.
لكن صوت ست جه من وراه:
— جرّب تمد إيدك عليها يا شريف.
شريف لف.
نوال كانت واقفة وراهم.
ومعاها المستشار سامح ورجلين أمن.
مريم اتصدمت.
— إنتِ عرفتي مكاني إزاي؟
نوال قالت:
