مكافأة مالية حكايات اسما السيد
الست همست:
— أبويا…
المستشار قرب خطوة.
— الأستاذ محمود ماكانش موظف عادي عند عيلة الشاذلي.
رفعت عينيها له.
— أمال كان إيه؟
فتح ملف تاني.
— كان شريك.
الست بصتله كأنها مسمعتش صح.
— شريك مين؟
— والد حضرتك.
قعدت ببطء.
المستشار كمل:
— من سبعة وعشرين سنة، الحاج فؤاد الشاذلي بدأ أول مشروع ليه مع شخصين… واحد فيهم والد مريم.
— مستحيل.
— الورق موجود.
حط قدامها عقد قديم.
أسماء.
توقيعات.
نِسب ملكية.
وعقد شراكة.
بصت الست للورقة فترة طويلة.
ثم قالت:
— أنا عمري ما سمعت اسم محمود ده من أبويا.
رد المستشار:
— علشان الشراكة انتهت بطريقة مش كويسة.
— يعني إيه؟
— دي النقطة اللي لسه بنحقق فيها.
بصتله بحدة.
— وإنت ليه دورت ورا البنت من الأساس؟
المستشار اتردد.
الست قالت:
— اتكلم يا سامح.
قال:
— لأن حضرتك من شهرين طلبتي ندور على شخص أمين نقدر نختبره قبل ما يدخل المؤسسة الخيرية الجديدة.
سكت لحظة وأضاف:
— ومريم كانت واحدة من عشرين شخص.
الست نزلت عينيها للصورة.
