منوعات
بالتبني حكايات اسما السيد
— إيه؟
تنفس بصعوبة.
— عرفت إن مامتكم كانت عايزة تسيبني.
اتجمدت.
أمي؟
ماما اللي فضلت طول عمرها تتكلم عن بابا كأنه راجل عمره ما غلط؟
قال:
— أمكم كانت مخبية أوراق.
— أوراق إيه؟
— حسابات… عقود… وأسماء ناس.
بصيتله.
— أنا مش فاهمة.
قال بصوت أضعف:
— زمان كنت شغال مع ناس في شغل مش قانوني.
حسيت رجلي بردت.
— شغل إيه؟
— تزوير أوراق ملكيات… وبيع أراضي مش بتاعتنا.
بلعت ريقي.
— وليلى عرفت؟
هز راسه.
— سمعتني وأنا بتخانق مع أمكم.
قلت:
— وبعدها؟
— خرجت من البيت.
— وإنت خرجت وراها.
ما ردش.
طلعت المفتاح قدامه.
— المفتاح ده كان في إيدك.
بص له كأنه شايف شبح.
— مفتاح مخزن قديم.
— مخزن فين؟
سكت.
قلت بحدة:
— بابا!
قال اسم منطقة قديمة على أطراف المدينة.
