أزل بقلم الكاتبه اسما السيد 3

رفعت حاجبيها.

— يعني؟

— يعني لو في يوم حسيتِ إنك مش عايزاني، تقولي.

سكتت.

— ولو قلتي لأ، أنا هحترمها.

قالت بصوت منخفض:

— حتى لو وجعتك؟

— أيوه.

— ليه؟

نظر لها.

— عشان الحب اللي ما يعرفش يسمع “لأ” مش حب.

الجملة دخلت إلى أعمق مكان مؤلم فيها.

ظلّت صامتة.

ثم قالت:

— إنت عارف إن دي أول مرة حد يقولي كده؟

تغير وجهه.

فهم.

قال:

— عارف.

لم يحاول لمسها.

لم يقترب أكثر.

فقط ظل جالسًا أمامها.

وهذا وحده كان كافيًا.

---

بعد أيام، جاء سليم إلى بيت أزل ليستلم ملفات كانت قد أخذتها معها بالخطأ.

تصادف أن شاهين كان عند الباب في اللحظة نفسها.

نظر إلى سليم.

ثم إلى الملفات.

قال:

— شغل؟

قال سليم:

— للأسف الدكتورة أزل واخدة المستشفى معاها البيت.

ردت أزل:

— غصب عني.

قال شاهين:

— واضح.

سليم ابتسم.

— إحنا مهددينها تاخد إجازة بالعافية.

قال شاهين:

— فكرة ممتازة.

قالت أزل:

— محدش طلب رأيك.

سليم ضحك.

شاهين لم يضحك.

بعد أن رحل سليم، أغلقت أزل الباب ونظرت إليه.

— بجد؟

قال:

— بجد إيه؟