سري الحقيقي حكايات اسما السيد

قال:

— مرضها الحقيقي بدأ من حاجة تانية خالص… وحاجه جوزك كان عارفها من البداية.

شهقت:

— أحمد كان عارف؟

هز الدكتور راسه.

— مش بس كان عارف… ده هو اللي طلب مني ماقولكيش.

بصيت ناحية الباب اللي أحمد خرج منه، وقلبي بدأ يمتلئ بخوف ماحسيتش بيه في حياتي.

الدكتور كمل:

— مريم قبل ما تدخل المستشفى بأسابيع، طلبت تحليل معين. والنتيجة كشفت سر خطير جدًا عن هويتها الحقيقية.

سألته وأنا بترعش:

— هويتها الحقيقية؟ مريم بنتي!

قال بهدوء:

— أيوه… وده بالضبط سبب إن جوزك كان مرعوب إنك تعرفي الحقيقة.

وبعدين طلع من جيبه ظرف بني صغير.

مدهولي وقال:

— مريم كانت عارفة إن احتمال موتها كبير… وعشان كده كتبت لك رسالة.

مسكت الظرف بإيد بتترعش.

كان مكتوب عليه بخط مريم:

«لماما… افتحي الرسالة بعد ما تعرفي الحقيقة.»

دموعي نزلت غصب عني.