سري الحقيقي حكايات اسما السيد
— وإنت كنت عارف؟
قال:
— عرفت بعدين.
— ومقولتليش؟!
— كنت بحاول أوصل للحقيقة.
— وإنت مين اداك الحق؟!
ضربت الترابيزة بإيدي.
— دي بنتي!
فتح الدكتور درج مكتبه وطلع كيس أدلة صغير.
جواه شريط دواء.
قال:
— مريم هي اللي لقت ده.
— فين؟
أحمد رد:
— في حاجات عمر القديمة.
قلت:
— عمر مات من خمس سنين!
قال:
— الدوا أقدم من كده.
بدأت أفهم.
لكن اللي فهمته كان أبشع من قدرتي على التصديق.
قلت:
— عمر كان بيأذيها؟
أحمد رفع عينيه بسرعة.
— لأ… مفيش دليل إنه كان بيديها الدوا بنفسه.
— أمال إيه اللي بتقوله؟!
الدكتور قال:
— مريم اكتشفت إن عمر كان عنده تاريخ مرضي وراثي نادر، وإن جزءًا من أعراضها مرتبط بيه. لكن وجود الأدوية دي في ملفاته خلّاها تبدأ تشك في حاجات تانية.
وقتها افتكرت سؤال مريم قبل شهور:
“ماما… عمو عمر كان عامل إزاي؟”
كنت ضحكت وقتها.
وقلت لها:
“جدع وطيب… وأحمد كان بيحبه جدًا.”
دلوقتي فهمت إنها ماكنتش بتسأل بدافع الفضول.
كانت بتحقق.
سألت أحمد:
