زوجة زوجي حكايات اسما السيد 3
— ومين حطها؟
— ده السؤال.
وفجأة باب الفيلا اتفتح.
كريم خرج يجري.
— ليلى!
حسام وقف قدامها.
كريم قال:
— أنا سمعت آخر كلام.
ليلى بصت له.
— وماله؟
— الحساب الخارجي.
— إنت تعرف عنه إيه؟
— معرفش.
ليلى ضحكت بمرارة.
— الجملة دي بقت لازمة عندك.
— والله العظيم أول مرة أسمع عنه!
قرب خطوة.
— بس اسم أوريون…
ليلى ركزت.
— ماله؟
كريم قال:
— شوفته قبل كده.
حسام سأله:
— فين؟
كريم فكر.
— في مكتب أبويا.
طارق خرج وراه.
— أنا كمان فاكر الاسم.
ليلى بصت له.
— إمتى؟
طارق قال:
— قبل وفاة بابا بشهور.
— كان عنده ملف بني مكتوب عليه “Orion”.
دولت ظهرت عند باب الفيلا.
وأول ما سمعت الاسم…
وقفت.
ليلى لاحظت.
— مدام دولت؟
ما ردتش.
ليلى قربت منها.
— تعرفي أوريون؟
دولت قالت بسرعة:
— لأ.
المحاسب خرج من وراها وقال:
— هي تعرف.
دولت صرخت:
— إنت لسه هنا؟!
المحاسب تجاهلها.
— أوريون ما كانتش شركة استشارات.
ليلى سألته:
— أمال؟
— كانت واجهة.
— لمين؟
المحاسب بص لدولت.
— لأخوها.
ليلى عقدت حواجبها.
