زوجة زوجي حكايات اسما السيد 3
بدأت إجراءات استرداد حقوقه وحقوق ابنته بالطرق القانونية.
أما الـ43 مليون دولار…
فكانت جزء من أموال فؤاد اللي قدر يحميها قبل اختفائه.
رجعت تحت إشراف قانوني كامل.
ليلى رفضت تلمس جنيه واحد منها قبل انتهاء التحقيق.
وبعد أربعة شهور…
ليلى ولدت.
ولد.
سمته “آدم”.
فؤاد كان مستني بره أوضة الولادة.
ماطلبش يدخل.
مافرضش نفسه.
كان بيتعلم لأول مرة إن الحب مش معناه إنك تقرر بدل اللي بتحبه.
طارق جه يطمن عليها.
أما دولت…
فما دخلتش.
بعتت رسالة طويلة.
ليلى قرتها.
وما ردتش.
لسه ماكانش وقت الرد.
سما طلقت كريم بعد فترة قصيرة.
وقبل ما تختفي من حياتهم، بعتت لليلى رسالة واحدة:
“أنا عارفة إن الاعتذار مش هيمسح اللي عملته. بس اليوم ده علمني إني عمري ما أبني سعادتي على إهانة ست تانية.”
ليلى احتفظت بالرسالة.
مش لأنها سامحت.
لكن لأنها حبت الجملة الأخيرة.
أما كريم…
فخسر منصبه التنفيذي بعد التحقيق الداخلي.
وبدأت الإجراءات القانونية الخاصة بالمخالفات المالية والتقرير المزور.
