زوجة زوجي حكايات اسما السيد 3
كريم قرب خطوة.
— أهو! طلع المستشار المحترم داخل في اللعبة من الأول!
حسام تجاهله.
فضل باصص لليلى.
— لأن الورقة دي مش أصلية.
المحاسب اتوتر.
— إنت بتقول إيه؟
حسام مد إيده.
— ممكن أشوفها؟
ليلى ما ادتهالوش.
— جاوبني الأول.
تنهد.
— من 12 سنة أنا ماكنتش مستشار حضرتك.
— كنت محامي متدرب في مكتب الأستاذ عادل صبري، محامي جدك.
ليلى قالت:
— وإيه علاقتك بالوصية؟
— حضرت توقيع ملحق منها كشاهد مساعد.
— يبقى الاسم صحيح.
— الاسم صحيح.
وسكت لحظة.
— إنما السطر اللي فوقه متضاف بعد التوقيع.
المحاسب صرخ:
— مستحيل!
حسام بص له.
— الورقة الأصلية ماكانش فيها أي كلام عن إثبات إن وفاة فؤاد غير طبيعية.
ليلى لفت للمحاسب.
— إنت جبت الورقة دي منين؟
المحاسب بدأ يتلخبط.
— من ملفات الحاج منصور.
— إمتى؟
— من سنين.
— كنت عارف إنها مزورة؟
— لأ.
حسام قال:
— هنثبت ده بفحص الحبر والورق.
كريم ضحك.
— ممتاز. يعني مفيش حد هنا نضيف.
ليلى بصت له.
— آخر واحد يتكلم عن النظافة هو اللي وقف يتفرج على مراته وهي بتتغرق بمية وسخة.
