امنيتي الوحيده حكايات اسما السيد
كان متجوز وما خلفش.
قلت:
— خالد كان له علاقة بالمركز؟
أحمد قال:
— كان بيتعالج هناك هو ومراته في نفس الفترة تقريبًا.
الدكتور قال:
— وده اللي رجح في الأول إنه خطأ في ترميز العينات.
قعدت.
الصورة بدأت تتجمع.
بويضتي.
وعينة خالد.
اتجمعوا في جنين واحد.
وبسبب خطأ أو تلاعب داخل المركز…
الجنين اتنقل لست تانية.
ليان اتولدت.
يعني بيولوجيًا…
ليان بنتي أنا وخالد أخو جوزي.
لكن عمرنا ما عرفنا بوجودها.
قلت:
— مرات خالد تعرف؟
أحمد بصلي.
— عايشة في إسكندرية.
— لازم تعرف.
قال الدكتور:
— قبل أي شيء، محتاجين تأكيد معملي مستقل. السجلات القديمة وحدها مش كفاية.
وافقنا.
اتعملت التحاليل.
وأنا اتبرعت بالدم بعد ما ثبت التوافق.
قعدت ساعات جنب ليان.
وفي اليوم التالت…
فتحت عينيها كويس.
أول سؤال سألته:
— جريس فين؟
قلت:
— نايمة.
— كويسة؟
— زي الفل.
ابتسمت.
قلت:
— وإنتِ كمان هتبقي كويسة.
قالت:
— يعني مش هتاخدوها؟
ضحكت وسط دموعي.
— يا بنتي، إحنا مش جايين ناخد بنتك.
