امنيتي الوحيده حكايات اسما السيد
حسيت إن الكلام مش داخل دماغي.
— وأبوك؟
— مش أنا.
رجعت للتقرير.
احتمالية أبوة أحمد صفر.
قلت:
— إزاي؟
أحمد قال:
— دي المشكلة.
دخل الدكتور تاني.
قعدنا في أوضة جانبية.
قال:
— المركز اللي حضرتك كنتِ بتتعالجي فيه اتقفل من سنين بعد مخالفات كبيرة في حفظ العينات والسجلات.
قلت:
— يعني إيه مخالفات؟
— فيه قضايا قديمة اتفتحت من جديد بعد ظهور سجلات كانت مفقودة.
أحمد قال:
— ومن ضمنها ملف منى.
الدكتور كمل:
— إحدى البويضات المخصبة المرتبطة بملف حضرتك تم تسجيلها في ملف مريضة أخرى.
قلت:
— بالغلط؟
سكت.
قلت:
— بالغلط ولا لأ؟
قال:
— التحقيق هو اللي يحدد.
سألت:
— وليان؟
قال:
— اتولدت بعد كده.
— مين اللي رباها؟
— أمها اللي حملت فيها وربتها.
— وأبوها؟
الدكتور اتردد.
— العينة الذكرية المستخدمة ما كانتش عينة زوج حضرتك.
غمضت عيني.
كل الموضوع بقى أكبر من قدرتي على الاستيعاب.
قلت:
— طب ليان عرفتني إزاي؟
أحمد قال:
— أمها ماتت من حوالي سنة.
وقبل ما تموت، ادتها ملف.
