امنيتي الوحيده حكايات اسما السيد
ما عرفتش أقول أكتر.
لكن نجلاء قربت ببطء.
بصت لوش ليان.
وإيديها بدأت ترتعش.
قالت:
— عندك نفس حواجبه.
ليان فهمت.
دموعها نزلت.
نجلاء قعدت جنبها.
وقالت:
— أنا كنت مرات أبوكي.
ليان مدت إيدها.
نجلاء مسكتها.
وفجأة…
بقينا أربع ستات مربوطين بطفلة صغيرة وحكاية بدأت من 18 سنة.
لكن لسه كان فيه سؤال واحد.
مين اللي عمل كده؟
هل فعلًا كان خطأ؟
ولا حد في المركز لعب بمصيرنا؟
والإجابة جت بعد أسبوع…
لما المحامي وصل للمستشفى ومعاه نسخة من سجل قديم.
وقال:
— للأسف، الموضوع ما كانش غلطة.
يتبع…
الفصل السادس
الحقيقة في سجل المركز
المحامي حط الملف قدامنا.
قال:
— المركز كان عنده نظام ترميز لكل عينة.
والتغيير اللي حصل في ملف منى وخالد ماكانش ممكن يحصل تلقائيًا.
أحمد سأله:
— يعني حد عمله بإيده؟
— أيوه.
قلت:
— مين؟
فتح صفحة.
كان فيها توقيع موظف.
اسم راجل ما أعرفوش.
لكن نجلاء أول ما شافته…
وقفت.
— أنا أعرفه.
بصينا لها.
قالت:
— ده كان قريب صاحبة المركز.
