لا تثق باحد حكايات اسما السيد
— وصف رومانسي جدًا.
قلت:
— والأب اللي كان مستعد يخسر كل حاجة علشان بنته.
سكت.
كملت:
— والراجل الوحيد اللي أول ما اتهمته، قال لي ما تصدقينيش… صدقي الأدلة.
مد إيده.
المرة دي أنا اللي مسكتها.
قال:
— والغريب إن الأدلة قالت إيه؟
ابتسمت.
— إنك مزعج جدًا.
ضحك.
— غير كده؟
قربت منه.
— وإن أسوأ ليلة في حياتي…
سكتُّ لحظة.
— خلتني أعرف مين كان لازم يخرج منها…
وبصيت في عينيه.
— ومين كان يستحق يفضل.
تمت بحمد الله
إهداء
لكل إنسان اتصورت له لحظة ضعف واتقدمت للناس كأنها تعريف كامل لشخصيته…
دموعك مش فضيحة.
تعبك مش دليل إنك ضعيف.
وصورة واحدة، مهما كانت قاسية، ما تقدرش تختصر حياة كاملة.
وأحيانًا أخطر شخص مش الغريب اللي صحيت لقيته جنبك…
لكن الشخص المألوف اللي قضى سنين واقف جنبك، مستني اللحظة المناسبة علشان يستخدم خوفك ضدك.
الحقيقة ما بتطلبش منك تثق في حد…
الحقيقة بتطلب منك تدور على الدليل.
✍️ الكاتبة: أسما السيد
مترجم حصري – حكايات أسما السيد
