بعد سنوات من الغربه حكايات اسما السيد
خرجوا.
قفلت الباب.
سلمى كانت قاعدة على طرف السرير.
قالت:
— إنت بتلعب بالنار.
قلت:
— لا.
وبصيت ناحية الباب.
— أنا بطفي نار بدأت من أربع سنين.
تاني يوم الصبح، رحنا البنك.
نبيل كان مستنينا.
ومعاه موظف من البنك.
قعدنا كلنا.
الموظف قال:
— الأستاذ سيف طلب مراجعة الحسابات والتحويلات القديمة قبل فتح الحساب الجديد.
حسام اتوتر.
أمي قالت:
— مراجعة إيه؟
الموظف فتح الملف.
— في تحويلات مالية من حساب الأستاذ سيف خلال آخر أربع سنين لحسابات مختلفة.
حسام قال بسرعة:
— طبيعي. إحنا أهله.
قلت:
— فعلًا.
الموظف كمل:
— فيه تحويلات بقيمة مليون وسبعمية واثنين وأربعين ألف جنيه.
منى فتحت بقها.
أمي قالت:
— يمكن مصاريف البيت.
قلت:
— معظمها مكتوب عليها “مصروفات سلمى”.
بصيت لسلمى.
— استلمتي كام؟
قالت:
— ولا جنيه.
حسام ضرب الترابيزة.
— هي كدابة!
قلت:
— معاك إيصالات إنها استلمت؟
سكت.
نبيل طلع الأوراق اللي وقعوا عليها امبارح.
وقال:
— الغريب إن كل واحد فيكم وقع رسميًا إنه ما استلمش المبالغ دي.
