بعد سنوات من الغربه حكايات اسما السيد
وأنا سجلته لك قبل سفرك من غير ما أقول لحد.
أوعى تثق في أي ورقة يطلبوا منك توقعها.
وخلي بالك من سلمى.
البنت دي حافظت على بيتك أكتر من ناس من دمك.”
قعدت على الكرسي.
أنا ما كنتش عارف أبكي…
ولا أصرخ.
نبيل قلب آخر عقد.
وقال:
— سيف…
بصيت له.
— فيه حاجة أهم.
— إيه؟
حط قدامي عقد ملكية.
— البيت مسجل نصه باسمك… لكن قبل وفاة والدك بشهر، فيه محاولة بيع اتعملت على البيت كله.
رفعت راسي.
— مين حاول يبيعه؟
قال:
— حسام.
— يبيع ملك مش ملكه؟
— باستخدام توكيل.
قلبي دق أسرع.
— توكيل مين؟
نبيل بص في الورقة.
— توكيل مزور باسمك.
الفصل الرابع
الحقيقة اللي في الدرج
رجعت البيت المغرب.
كلهم كانوا مستنيني.
أمي قالت:
— البنك قال لك إيه؟
قلت:
— الفلوس هتنزل الاثنين زي ما قلت.
وشوشهم نورت.
حسام قال:
— كنت بفكر… بما إن معاك المبلغ ده، ممكن نفتح شركة مقاولات.
منى قالت:
— وأنا نفسي أشتري شقة لولادي.
أمي قالت:
— وأنا مش عايزة غير أشوفكم مستورين.
بصيت لسلمى.
