تنتهي الحرب وتبدأ هي بقلم اسما السيد 5
— نروح للدكتور.
لو نمت زيادة:
— نروح للدكتور.
لو ما نمتش:
— نروح للدكتور.
في مرة الدكتورة نفسها قالتله:
— يا سيادة الرائد، الحمل مش عملية عسكرية.
قلت:
— الله ينور عليكي يا دكتورة.
عامر بصلي.
— متتحالفيش ضدي.
ضحكت.
الدكتورة قالت:
— كل حاجة كويسة.
عامر سأل:
— متأكدة؟
الدكتورة بصتلي.
قلت:
— سامحيه.
في الشهر الخامس عرفنا إنه ولد.
عامر كان واقف قدام شاشة السونار كأنه بيشوف معجزة.
الدكتورة قالت:
— ولد.
بصلي.
قلت:
— مبروك يا بابا.
الجملة هزته.
مسك إيدي.
قال:
— قوليها تاني.
ضحكت.
— لا بقى.
الدكتورة قالت:
— واضح إن عنده مشكلة مع إعادة الكلام.
قلت:
— أخيرًا حد فهمني.
اختلفنا على الاسم.
عامر عايز يسميه يوسف.
وأنا عايزة سليم.
قال:
— يوسف.
قلت:
— سليم.
— يوسف.
— سليم.
— أنا أبوه.
— وأنا اللي شايلاه تسع شهور.
سكت.
— سليم حلو.
ضحكت.
قلت:
— سريع التعلم.
قال:
— أنا بعرف اختار معاركي.
يوم الولادة…
عامر كان أسوأ مني.
أنا اللي بولد…
وهو اللي وشه أصفر.
قلتله وسط الوجع:
