عروسه البحر حكايات اسما السيد

أمي عمرها ما كانت بتحب البحر.
كل ما كنت أقولها هنزل أصطاد كانت تتوتر.
وكان عندها صندوق خشب ممنوع ألمسه.
الصندوق لسه موجود.
قمت جريت على الدولاب القديم.
طلعت الصندوق.
فتحته.
هدوم قديمة…
صور…
مصحف صغير…
وفي القاع لقيت ظرف.
مكتوب عليه:
“لحسن… لما البحر يرجع يطلب أمانته.”
إيديا بدأت تترعش.
فتحت الورقة.
وكان خط أمي.
“يا حسن…
لو بتقرأ الكلام ده، يبقى اليوم اللي خفت منه طول عمري جه.
أنا مش أمك اللي ولدتك.
أنا لقيتك عند البحر وإنت رضيع.
كانت فيه بنت شابة مصابة على الشط، حطتك في حضني وقالتلي كلمة واحدة:
احميه.
كان اسمها ليلى.
اختفت في البحر قبل ما أعرف عنها أي شيء.
سامحني إني خبيت عليك.
كنت خايفة البحر يرجع ياخدك مني.”
قعدت على الأرض.
بصيت للطفل.
وبعدين بصيت لسالم.
قلت:
— يعني أنا…
رد:
— ابن ليلى.
بصيت لرجلي.
طبيعية.
إيديا طبيعية.
قلت:
— طب أنا ليه مش زيه؟
رد سالم:
— لأن أبوك كان إنسان.
وهنا…
سمعنا صوت موتور عربيات بره.
سالم قام بسرعة.




